"Бавария"нинг ҳужумкор ярим ҳимоячиси Лерой Сане Мюнхен топ-клубидаги келажаги ҳақида фикр билдирди.
“Менинг келажагим бир қанча омилларга боғлиқ. Бироқ, мен бу ҳақда ҳали ўйламайман. Бизни "Арсенал" билан муҳим ўйин кутиб турибди, барча фикрларим шу ҳақида. Шартнома бўйича музокаралар давом этмоқда. Балки, бу жараён кейинги бир неча ҳафта ичида тезлашади”, - дейди қанот ярим ҳимоячиси.
Сане ва "Бавария" ўртасидаги амалдаги шартнома 2025 йилнинг ўрталарига қадар тузилган. Жорий мавсумда Лерой мюнхенликларнинг 37 та учрашувида қатнашиб, 9 та гол урди ва 13 та голли узатмани амалга оширди.
