"Bavariya"ning hujumkor yarim himoyachisi Leroy Sane Myunxen top-klubidagi kelajagi haqida fikr bildirdi.
“Mening kelajagim bir qancha omillarga bog‘liq. Biroq, men bu haqda hali o‘ylamayman. Bizni "Arsenal" bilan muhim o‘yin kutib turibdi, barcha fikrlarim shu haqida. Shartnoma bo‘yicha muzokaralar davom etmoqda. Balki, bu jarayon keyingi bir necha hafta ichida tezlashadi”, - deydi qanot yarim himoyachisi.
Sane va "Bavariya" o‘rtasidagi amaldagi shartnoma 2025 yilning o‘rtalariga qadar tuzilgan. Joriy mavsumda Leroy myunxenliklarning 37 ta uchrashuvida qatnashib, 9 ta gol urdi va 13 ta golli uzatmani amalga oshirdi.
