"Бавария" бош мураббийи Томас Тухель "Арсенал" ҳужумчиси Кай Хаверц билан учрашишни интиқлик билан кутмоқда. Германиялик мутахассис футболчи билан Лондоннинг “Челси” клубида ишлаган.
2021 йилда Хаверц Чемпионлар лигаси финалида “Манчестер Сити”га қарши ўйинда “кўклар”га ғалаба келтирган голни киритди. Бу Тухелга фаолиятидаги энг муҳим совринни қўлга киритиш имконини берди.
“Хаверц мураббийлик фаолиятимдаги энг муҳим голни урди. У ажойиб йигит. Кай ниҳоят ўзи муносиб эътирофга сазовор бўлганидан жуда хурсандман. Биз унга қарши эҳтиёткорлик билан ҳаракат қилишимиз керак. Жамоамизда аверцни яхши биладиган футболчилар бор”, - деди Тухел матбуот анжуманида.
