"ПСЖ" бош мураббийи Луис Энрике "Барселона"нинг жароҳат олган футболчилари билан боғлиқ вазият ҳақида гапирди. Эслатиб ўтамиз, эртанги парижликларга қарши ўйинни Педри ва Гави каби футболчилар ўтказиб юборишади. Андреас Кристенсен ва Френки де Йонгнинг иштироки шубҳа остида.
"Барселона"нинг барча жароҳат олган футболчилари, шу жумладан Гави ҳам "ПСЖ"га қарши ўйнай олишларини истардим. Мен энг кучли таркиб билан ўйнайдиган рақибларни мағлуб этишни афзал кўраман”, - деди Энрике матбуот анжуманида.
Сариқ карточкалари кўпайиб кетган ўнг қанот ҳимоячиси Ачраф Ҳакимий эртанги ўйинда "ПСЖ"га ёрдам бера олмайди.
