"Атлетико" ярим ҳимоячиси Аксел Витсель Чемпионлар лигаси чорак финалида Дортмунднинг "Боруссия" жамоасига қарши биринчи ўйиндан олдинги фикрлари билан ўртоқлашди.
"Қуръада Дортмундга тушганимизда, "Манчестер Сити" ёки бошқа клубларга тушганимизда кўра кўпроқ хурсанд бўлмадик. Чунки Чемпионлар лигасида - умуман футболда ҳам осон ўйинлар бўлмайди. "Боруссия" жуда яхши жамоа. Мен Дортмундда тўрт йил ўтказдим ва бу ажойиб вақт эди. Улар қаттиқ прессинг қилишади, уларда жуда тез ўйинчилар бор, шунингдек, майдон ўртасидан ҳужумни ривожлантиришда зўр футболчилар бор.
"Атлетико"нинг қуруқ ўйинлари борасидаги муаммоси? Бу биз устида ишлашимиз керак бўлган нарса, буни ҳаммамиз тушунамиз. Агар эртага голлардан қочиб қутула олсак, бу ажойиб бўлади, лекин биз бу жиҳатни яхшилашимиз кераклигини тушунамиз", - деди Витсель УЕФА матбуот хизматига.
"Атлетико Мадрид" - "Боруссия" учрашуви 10 апрель куни Мадридда бўлиб ўтади ва Тошкент вақти билан соат 23:59да бошланади.
