"Интер" Антони Марсьяль билан шартнома имзолаш имкониятини баҳоламоқда.
La Gazzetta dello Sport нашри хабарига кўра, "Манчестер Юнайтед"ни эркин агент сифатида тарк этаётган ҳужумчи "нерадзуррилар"га таклиф қилинган ва Италия томони бу вариантни ҳар томондан ўрганиб чиқмоқда.
"Интер" франциялик футболчини анчадан бери кузатиб боради, бироқ клуб учун устувор вазифа "Женоа"ҳужумчиси Альберт Гудмундссон. Шу билан бирга, исландиялик ҳужумчи учун жами 30 миллион евро тўлаш керак бўлади, бу эса вазифани мураккаблаштиради.
Марсьяль учун "Фенербахче" ва Франциянинг икки йирик клуби ҳам даъвогарлик қилмоқда.
Жорий мавсумда 28 ёшли футболчи Премьер-лигада 13та ўйин ўтказиб, 1та гол урган.
