"Бавария"нинг сенегаллик 32 ёшли ҳимоячиси Буна Сарр Франция чемпоинатига қайтишни истайди, дея хабар бермоқда Foot Mercato нашри.

Эслатиб ўтамиз, ўтган йилнинг ноябрь-декабрь ойлари Сарр тиззасининг хочсимон боғичидан жиддий жароҳат олганди. Бироқ, футболчининг тикланиши ҳайратланарли даражада давом этмоқда ва у май ойида футбол майдонига қайтиши мумкин.

Тўғри, сенегалликнинг "Бавария" билан шартномаси 2024 йилнинг июнь ойи охирида тугайди ва томонлар янги шартнома имзолашга ҳаракат қилишмаяпти.

Фаолиятини давом эттиришнинг мумкин бўлган вариантлари орасида Сарр аввалроқ "Марсел"да беш йил - 2015 йилдан 2020 йилгача ўйнаган Лига 1ни кўриб чиқмоқда.