Эрлинг Холанд яна "Реал"га қарши ўйинда самарали ҳаракат қилмади.
Чемпионлар лигаси 1/4 финалининг илк ўйинида “Реал” ва “Манчестер Сити” ўзаро дуранг ўйнади (3:3). Холанд бутун ўйинни гол ва голли узатмасиз ўтказди.
Ўтган мавсумда "шаҳарликлар" форварди "Реал"га қарши 1/2 финалнинг иккала ўйинида (1:1, 4:0) асосий таркибда майдонга тушган ва уларда ҳам самарали ҳаракатлари билан ажралиб тура олмаган.
Эътиборли томони, Холанд Чемпионлар лигасининг жорий мавсумдаги энг яхши тўпурарлари рўйхатида Харри Кейндан кейин 2-ўринни эгаллаб турибди - норвегиялик ҳужумчининг ҳисобида 6та гол бор.
