"Бавария" спорт директори Макс Эберль Томас Тухель жамоани "Арсенал"га қарши ўйинга тайёрлаганидан мамнун.
Мюнхенликлар Лондонда бўлиб ўтган Чемпионлар лигаси чорак финалининг биринчи ўйинида дурангга эришди (2:2).
"Тухель жамоа билан умумий тил топмоқда, бу бугунги ўйинда яна бир бор тасдиқланди. Майдонда кўрганимиз унинг режасининг бир қисми эди. Кўриниб турибдики, ўйинчилар ва мураббий биргаликда яхши ишлайди ва бир-бирига мос келади. Тухелни ёзда тарк этиш қарори аллақачон қабул қилинган, бу ҳақда ҳар икки кунда сўрашнинг ҳожати йўқ, аммо бугунги ўйиндан сўнг мураббий қаршисида шляпамни ечаман", - деди Эберль.
