"Bavariya" sport direktori Maks Eberl Tomas Tuxel jamoani "Arsenal"ga qarshi o‘yinga tayyorlaganidan mamnun.
Myunxenliklar Londonda bo‘lib o‘tgan Chempionlar ligasi chorak finalining birinchi o‘yinida durangga erishdi (2:2).
"Tuxel jamoa bilan umumiy til topmoqda, bu bugungi o‘yinda yana bir bor tasdiqlandi. Maydonda ko‘rganimiz uning rejasining bir qismi edi. Ko‘rinib turibdiki, o‘yinchilar va murabbiy birgalikda yaxshi ishlaydi va bir-biriga mos keladi. Tuxelni yozda tark etish qarori allaqachon qabul qilingan, bu haqda har ikki kunda so‘rashning hojati yo‘q, ammo bugungi o‘yindan so‘ng murabbiy qarshisida shlyapamni yechaman", - dedi Eberl.
