Kataloniyaning «Barselona» klubi 22 yoshli yarim himoyachisi Mark Kasado Angliya Premyer-ligasida faoliyatini davom ettirishi mumkin. Bu haqda «Teamtalk» nashri ma’lumot tarqatmoqda.
Manbaning xabar berishicha, «Chelsi» va «Manchester Yunayted» klublari yarim himoyachini o‘z saflariga qo‘shib olishga qiziqish bildirmoqda. Klublar futbolchi atrofidagi vaziyatni kuzatib borishmoqda, biroq hozircha u bo‘yicha rasmiy taklif bilan chiqishgani yo‘q.
Kasado 2024 yildan boshlab «ko‘k-anorranglilar»ning asosiy jamoasi o‘yinlariga jalb qilina boshlagan. Yarim himoyachi va «Barselona» o‘rtasidagi amaldagi mehnat shartnomasi 2028 yilning yozida yakuniga yetadi. «Transfermarkt» portali ekspertlari uning transfer bahosini 18 million yevroga baholashmoqda.
