Лондоннинг "Арсенал" клуби ҳужумчиси Леандро Троссард УЕФА Чемпионлар лигаси чорак финалида "Бавария" билан биринчи ўйин ҳақидаги таассуротлари билан ўртоқлашди. Учрашув 2:2 ҳисобида дуранг билан якунланди.
"Арсенал" ажойиб старт олди. Ҳисобни очганимиздан кейин яна бир нечта гол уришимиз мумкин эди. "Бавария" ўз даражасини кўрсатди ва бизга муаммо келтирди. Биз меҳмонда қийин бўлишини тушунамиз. Аммо жамоамиз максимал даражада ўйнаса, ҳар кимни мағлуб эта олади", - дея Леандронинг сўзларини келтиради УЕФА матбуот хизмати.
Жамоалар ўртасидаги жавоб учрашуви 17 апрель куни Мюнхендаги стадионда бўлиб ўтади.
