Мадриднинг “Реал” клуби ҳужумчиси Родриго ЕЧЛ чорак финалида “Манчестер Сити”га қарши биринчи ўйин ҳақида гапирди. Учрашув Испанияда бўлиб ўтди ва 3:3 ҳисобида якунланди.
“Бу биз кутган натижа эмаслиги аниқ. Ҳозир барча фикрларимиз жавоб учрашуви ҳақида. "Реал Мадрид" ўтган мавсумда Манчестерда ёмон ўйин кўрсатганди. Энди биз ғалаба қозонишимиз керак. Бизда ҳамма имконият бор. Ким камроқ гол ўтказиб юборса, ўша ярим финалга йўл олади", - деди бразилиялик футболчи.
"Манчестер Сити" ва "Реал" ўртасидаги жавоб учрашуви 17 апрель куни Тошкент вақти билан соат 00:00да бошланади.
