"Манчестер Сити" бош мураббийи Пеп Гвардиола ЕЧЛ чорак финалида "Реал" билан биринчи ўйин танаффусда футболчилари билан нималар ҳақида гаплашгани ҳақида гапирди.
"Мен олдинда жавоб ўйинига қадар яна тўлиқ битта тайм борлигини айтдим. Агар керакли режаларсиз ҳужумга ўтсак, ҳеч нарса чиқмайди. Мен жамоадан хотиржамроқ ўйнашни, рақибни қанотларга тортиб, Фоден ва Гвардиолни ҳужумларга қўшилишини сўрадим", - дея испаниялик мутахассиснинг сўзларидан иқтибос келтиради Marca нашри.
“Сантьяго Бернабеу”да кечган учрашув 3:3 ҳисобида сермаҳсул дуранг билан якунланди.
