"Ливерпуль" ярим ҳимоячиси Доминик Собослаи жамоа бош мураббийини алмаштириш ҳақидаги саволга жавоб берди. Мавсум якунида германиялик мутахассис Юрген Клопп мерсисайдликлар устози лавозимини тарк этади.
“Клопп кетишга қарор қилди, у дам олишни ва ҳаётидан завқ олишни хоҳлайди. У узоқ вақтдан бери "Ливерпуль"да ишламоқда. Унинг ўрнига ким келишини ҳозирча билмаймиз. Жамоа ким бўлишидан қатъи назар, ҳамма нарсага тайёр", - дея венгриялик футболчининг сўзларини келтиради Liverpool Echo.
Эслатиб ўтамиз, Клопп 2015 йилдан буён "Ливерпуль" бош мураббийи ҳисобланади. Англия чемпионатининг жорий мавсумида жамоа турнир жадвалида иккинчи ўринда бормоқда.
