"Реал"нинг собиқ ярим ҳимоячиси Хамес Родригес Испания чемпионатига қайтмоқчи. Бу ҳақда Todofichajes портали саҳифаларида хабар берилди.
Манбага кўра, колумбиялик футболчида фаолиятини давом эттириш учун иккита вариант бор. Хамес "Севилья" ёки "Валенсия"га ўтиши мумкин.
Айни пайтда 32 ёшли ижрочи Бразилия чемпионатида "Сан-Паулу" сафида ўйнаяпти. Томонлар ўртасидаги амалдаги шартнома 2025 йилнинг июн ойи охирида якунига етади.
Унинг трансфер нархи 4,5 миллион еврони ташкил қилади. Бразилия чемпионатининг жорий мавсумида у тўртта ўйин ўтказиб, гол урди ва голли узатмани амалга оширди.
