"Манчестер Юнайтед" икки юлдуз футболчи билан хайрлашишга яқин турибди. Talksport хабарига кўра, ярим ҳимоячи Каземиро ва ҳимоячи Рафаел Варан манкунианликлар сафини тарк этиши мумкин.
Жим Рэтклифф Майну, Гарначо ва Хойлунд каби ёшларга таянмоқчи. Мураббий ёзги трансфер ойнасида янги футболчиларни ҳам таклиф қилмоқчи.
Варан жорий мавсум Англия чемпионатида 21 ўйин ўтказиб, битта гол урди ва иккита сариқ карточка олди. Каземиро Премьер-лиганинг 18 та учрашувида қатнашиб, 1 та гол ва 2 та голли узатмани амалга оширган.
