Украина терма жамоаси ва "Шахтёр" ярим ҳимоячиси Георгий Судаковга трансфер бозорида талаб катта. Украиналик иқтидорли ярим ҳимоячида фаолиятини Англия Премьер-лигасида давом эттириш учун бир нечта қизиқарли вариантлар мавжуд.
Футболчига Лондоннинг “Арсенал”, “Ливерпуль” ва “Манчестер Юнайтед” клублари қизиқиш билдирмоқда. Жорий мавсумда Судаков клуб миқёсида 27 та ўйин ўтказиб, 7 та гол урди ва 3 та голли узатмани амалга оширди.
21 ёшли ярим ҳимоячи ва "Шахтёр" ўртасидаги шартнома 2028 йилнинг охиригача мўлжалланган. Унинг трансфер нархи 25 миллион евро.
