"Шахтёр" ва Черноморец" жамоалари ўртасидаги баҳснинг иккинчи бўлимида Максим Шацких илк марта одессаликлар сафида майдонга тушди. Биринчи бўлимдан сўнг минимал ҳисобда ғалаба қозонаётган донецкликлар иккинчи бўлимда яна 2та гол уришга муваффақ бўлишди. Учрашувдан кейин Максим Шацких ўйин ҳақидаги фикрлари билан ўртоқлашди.

— Йирик ҳисобдаги мағлубият кутилмаган ҳол бўлдими?
— Яхши ўйин ва яхши натижага умид қилгандик. Бу футбол ва "Шахтёр"га қарши сафарда ўйнаш ҳамиша қийин. Энг асосийси — бугунги ўйиндан тўғри хулоса чиқариш ва ушбу мағлубиятга ёпишиб олмасдан "Динамо" билан бўладиган кейинг ўйинга тайёргарлик кўриш керак.

— Мағлубиятнинг сабабини нимада деб ўйлайсиз?
— Ҳали совимасдан туриб сабаблар ҳақида гапириш қийин. Жипслашган ҳолда ўйнашга ҳаракат қилдик. Балки, режалаштирганимиз — тезкор қарши ҳужумлар амалга ошмагандир. Нима ҳам қилардик, ишлашда давом этамиз.

— Максим, ҳимоягача қайтишга мажбур бўлдингиз...
— Боиси, ҳимоямиз ортга чекинганди, орада бўшлиқлар пайдо бўлмаслик учун таянч ярим ҳиоячиларига яқин жойда ўйнадим.