“Байер” бош мураббийи Хаби Алонсо “Вест Хэм”га қарши Европа лигасининг биринчи чорак финал ўйинидан сўнг журналистлар билан суҳбатлашди.

"Учрашув осон бўлмаган бўлсада, бугунги натижадан мамнунмиз. Рақиблар чуқур ҳимояланишди ва ўз жарима майдончаси яқинида кўплаб футболчилар бор эди. Биз лаҳзани кутаётган эдик - ва у кеч бўлса-да, пайдо бўлди. Ҳар бир футболчимиз майдонга тушишга тайёр бўлиши керак, бугун буни кўриш мумкин эди”, - деди испаниялик мутахассис.

Чорак финалнинг илк ўйинида “Байер” “Вест Хэм”ни 2:0 ҳисобида мағлуб этди. Жавоб ўйини 18 апрель куни Лондонда бўлиб ўтади.