"Рома"нинг "Милан" билан УЕФА Европа лигаси 1/4 финалининг биринчи ўйинидаги ғалабаси римликлар учун сўнгги 6,5 йил ичида "россонерилар" билан сафар ўйинларидаги илк ғалабаси бўлди. "Рома" «Сан-Сиро»да "Милан" устидан сўнгги ғалабани 2017 йилнинг октябрида (2:0) қўлга киритганди.
Эслатиб ўтамиз, 11 апрель куни Европа лигасининг 1/4 финал босқичининг илк учрашуви бўлиб ўтган ва унда Италиянинг "Милан" ва "Рома" клублари тўқнаш келишганди. Жамоалар Италиянинг Милан шаҳридаги “Сан-Сиро” (Жузеппе Меацца) стадионида ўзаро баҳс олиб боришди. Меҳмонлар минимал ҳисобда ғалаба қозонишди - 1:0.
Ўйиндаги ягона гол 17-дақиқада “Рома” ҳимоячиси Жанлука Манчини томонидан киритилди.
Эслатиб ўтамиз, ушбу жамоалар ўртасидаги жавоб учрашуви 18 апрель куни бўлиб ўтади.
