Италиянинг “Аталанта” клуби ҳужумчиси Жанлука Скамакка Европа лигасининг биринчи чорак финалида “Ливерпуль” устидан қозонилган ғалабадан сўнг ўз фикрларини билдириб ўтди.
Эслатиб ўтамиз, ўйин "Энфилд"да бўлиб ўтди ва Бергамо клубининг 3:0 ҳисобидаги ғалабаси билан якунланди, Скамакка иккита гол урди.
"Бу биз учун ажойиб оқшомга айланди. Ҳамма бизни ҳалокатга маҳкум деб ўйларди, лекин биз бошиданоқ ўзимизга ишондик, хурсандмиз, аммо олдинда жавоб ўйини бор.
Бундай лаҳзалар алоҳида футболчилар эмас, балки жамоа туфайли содир бўлади. Агар жамоадошларим бўлмаганида, иккита гол урмаган бўлардим", - дея футболчининг сўзларини келтиради Sky Sports.
