Italiyaning “Atalanta” klubi hujumchisi Janluka Skamakka Yevropa ligasining birinchi chorak finalida “Liverpul” ustidan qozonilgan g‘alabadan so‘ng o‘z fikrlarini bildirib o‘tdi.
Eslatib o‘tamiz, o‘yin "Enfild"da bo‘lib o‘tdi va Bergamo klubining 3:0 hisobidagi g‘alabasi bilan yakunlandi, Skamakka ikkita gol urdi.
"Bu biz uchun ajoyib oqshomga aylandi. Hamma bizni halokatga mahkum deb o‘ylardi, lekin biz boshidanoq o‘zimizga ishondik, xursandmiz, ammo oldinda javob o‘yini bor.
Bunday lahzalar alohida futbolchilar emas, balki jamoa tufayli sodir bo‘ladi. Agar jamoadoshlarim bo‘lmaganida, ikkita gol urmagan bo‘lardim", - deya futbolchining so‘zlarini keltiradi Sky Sports.
