"Наполи" ва Грузия терма жамоаси вингери Хвича Кварацхелия болалигида футбол ўйнашни қандай бошлаганини эслади.

“Мен ҳар сафар уйдан чиққанимда дўстларим билан ташқарида ўйнардим, ҳатто машғулотдан кейин ҳам улар билан ўйнардим. Футболга илк қадамларимни кўчада қўйганман. Ўйлайманки, агар сиз менинг ўйинимни томоша қилсангиз, буни кўришингиз мумкин.

Кўчада сиз тез-тез тўпга тегасиз ва у билан хайрлашишни ёқтирмайсиз. Ҳозир ҳам, ҳақиқий майдонларда, катта стадионларда ўйнаганимда ҳам, ўша пайтдагидек кўчадагидек ўйнашга ҳаракат қиламан. Кўчалар мени футболчи сифатида тарбиялаб, илҳомлантирди. Саккиз ёшимда ҳақиқий клубда, яхши академияда ўйнай бошладим, кейин 11 ёшимда Тбилисининг “Динамо” клубининг катта академиясига ўтдим. У ерда беш йилни ўтказдим, бу академиядан кўплаб яхши футболчилар етишиб чиққан", - дея Кварацхелиядан иқтибос келтиради журналист Алфредо Педулла ўз сайтида.

Жорий мавсумда Кварацхелия барча турнирларда 39 та ўйинда қатнашиб, 10 та гол ва 7 та голли узатмага муаллифлик қилган.