"Реал" бош мураббийи Карло Анчелотти жамоа ҳимоячиси Эдер Милитаонинг ўйини ҳақида фикр билдирди.
"У ўзини жуда яхши ҳис қилмоқда. Албатта, у тўлиқ 90 дақиқа ўйнай олмайди, лекин ўйлайманки, у ўйиннинг катта қисмини майдонда ўтказа олади ва буни яхши бажара олади", - дея Анчелотти сўзларини келтиради Madrid Xtra.
Бразилиялик футболчи мавсум бошида тиззасидан жароҳат олган ва фақат сўнгги турда "Атлетик" билан ўйинда бир дақиқа ўйнаб, майдонга қайтган эди.
13 апрель куни “Реал” клуби сафарда “Мальорка” билан учрашади. Ла Лиганинг 31-тур учрашуви Тошкент вақти билан соат 21:30да бошланади.
