"Манчестер Юнайтед"нинг "Ювентус" марказий ҳимоячиси Глейсон Бремерга қизиқиши тез суръатлар билан ўсиб бормоқда. "Қизил иблислар" бразилиялик футболчига жиддий эътибор қаратишди.
Журналист Руди Галеттининг ёзишича, “Манчестер Юнайтед” тез орада 27 ёшли футболчи учун аниқ таклиф билан чиқиши мумкин. "Ювентус" марказий ҳимоячини сақлаб қолмоқчи, аммо агар харидорлар 70 миллион евро тўлашга тайёр бўлса, уни сотиш имкониятини кўриб чиқади.
Глейсон Бремернинг "Ювентус" билан шартномаси 2028 йилгача мўлжалланган. Жорий мавсумда футболчи “кекса синьора” сафида 32 та ўйин ўтказиб, 2 та гол урган.
