"Милан" ҳужумчиси Франческо Камарда тез орада клубини ўзгартириши мумкин.
Ноябрь ойида форвард 15 ёшида дебют қилган ҳолда А Серия рекордини ўрнатди. "Милан" италияликнинг иқтидорини юқори баҳолайди, аммо у билан профессионал шартнома борасида келишиб бўлмаяпти. Журналист Жанлуиджи Лонгарининг сўзларига кўра, “россонерилар” раҳбарияти Камарда вакиллари билан музокараларда муваффақият қозонишдан умидини йўқотмаяпти, аммо вундеркиндга даъвогарлик қилаётган “Челси” ўз фикрида қатъий. Лондон клуби футболчини Италияни тарк этишга ишонтириш учун унга фойдали таклиф билан чиқишга тайёр.
10 март куни Франческо Камарда ўзининг 16 ёшини нишонлади. Ҳужумчи ҳозирда "Милан" асосий таркибида иккита ўйин ўтказмоқда.
