"Арсенал" бош мураббийи Микель Артета лондонликлар жамоасининг Англия Премьер-лигаси чемпионлигини қўлга киритиш имкониятлари ҳақида гапирди.
“Футболчилар биз қилаётган ишимиздан ҳаяжонда. Улар кўпроқ нарсага чанқоқ. Бизни қандай синов кутаётганини ва чемпион бўлиш учун қанчалик яхши бўлишимиз кераклигини биламиз, бироқ ҳаракат қиламиз”, — дея Артета сўзларини келтиради BBC.
"Арсенал" Премьер-лига турнир жадвалида пешқадамлик қилмоқда, Микель Артета жамоаси 31 ўйинда 71 очко тўплаган. "Ливерпуль" худди шундай турнир кўрсаткичлари билан иккинчи ўринда. “Манчестер Сити” 31 турдан кейин 70 очко билан кучли учликни якунлаб турибди.
“Арсенал” навбатдаги ўйинда “Астон Вилла”га қарши майдонга тушади. Ўйин 14 апрель куни лондонликларнинг уй стадионида бўлиб ўтади.
