"Челси" бош мураббийи Маурисио Почеттино Лондон жамоасидаги асосий муаммо ҳақидаги саволга жавоб берди.
"Манчестер Сити, "Манчестер Юнайтед", "Тоттенхэм" ёки "Ливерпуль" каби жамоаларни учратганимизда, жамоа яхши ўйин сифатини кўрсатади. Муаммо шундаки, бизда барқарорлик йўқ.
Жамоанинг ҳаракатларини таҳлил қилсак, ҳақиқатан ҳам етуклик етишмаслигини кўришимиз мумкин, аммо вақт ўтиши билан биз тўғри мувозанатга эриша оламиз", - дея Почеттино сўзларини келтиради BBC.
"Челси" 2023/2024 йилги мавсумда АПЛ турнир жадвалида 9-ўринда бормоқда. Жамоа 30 учрашувда 44 очко жамғарган.
"Челси" навбатдаги ўйинда "Эвертон" билан ўйнайди. Учрашув 15 апрель, душанба куни бўлиб ўтади.
