"Манчестер Сити" бош мураббийи Пеп Гвардиола "Реал"га қарши ўйин куни Кевин Де Брюйненинг ҳолати ҳақида яна гапирди.
Бельгиялик футболчи Мадриддаги ўйин олдидан соғлиғидан шикоят қилган - футболчи овқатдан заҳарланган. 3:3 ҳисобида якунланган чорак финал қарама-қаршилигининг биринчи учрашувида “шаҳарликлар” етакчиси захирада қолди.
"Кевин "Реал"га қарши ўйинда майдонга тушиши мумкинмиди? Балки охирги дақиқаларда. Аммо мен унинг юзини ўйин бошланишидан олдин, танаффус пайтида кўрдим - бу менга ёқмади. Мен унинг кучини беҳуда сарф қилмасликни танладим, бизда аллақачон жуда тиғиз бўлган тақвим бор", - деди Гвардиола шанба куни бўлиб ўтадиган "Лутон Таун"га қарши АПЛ ўйинидан олдинги матбуот анжуманида.
