Англия терма жамоасининг собиқ ҳужумчиси, ҳозирда футбол эксперти Гари Линекер Чемпионлар лигаси плей-офф босқичини ислоҳ қилишни таклиф қилди.
“Агар икки ўйиннинг умумий натижаси дуранг натижага олиб келса, қўшимча вақт бекор қилиниши мумкин. Менимча, биз тўғридан-тўғри пеналтилар сериясига ўтишимиз керак. Ҳозирда иккинчи ўйинни ўз уйида ўтказган жамоа қўшимча ярим соат вақт олади. Бу унга рақибдан устунлик беради. Айниқса, Чемпионлар лигасида бундай бўлмаслиги керак", - дея мутахассисдан иқтибос келтиради Daily Mail.
Чемпионлар лигасининг амалдаги ғолиби “Манчестер Сити” ҳисобланади.
