Angliya terma jamoasining sobiq hujumchisi, hozirda futbol eksperti Gari Lineker Chempionlar ligasi pley-off bosqichini isloh qilishni taklif qildi.
“Agar ikki o‘yinning umumiy natijasi durang natijaga olib kelsa, qo‘shimcha vaqt bekor qilinishi mumkin. Menimcha, biz to‘g‘ridan-to‘g‘ri penaltilar seriyasiga o‘tishimiz kerak. Hozirda ikkinchi o‘yinni o‘z uyida o‘tkazgan jamoa qo‘shimcha yarim soat vaqt oladi. Bu unga raqibdan ustunlik beradi. Ayniqsa, Chempionlar ligasida bunday bo‘lmasligi kerak", - deya mutaxassisdan iqtibos keltiradi Daily Mail.
Chempionlar ligasining amaldagi g‘olibi “Manchester Siti” hisoblanadi.
