Испания чемпионати доирасида "Мальорка"га қарши сафар учрашувида асосий таркибда майдонга тушадиган "Реал"нинг 4 нафар футболчиси номи маълум бўлди.
Журналист Мигель Анхель Диаснинг хабарига кўра, марказий ҳимоячи Эдер Милитао, ярим ҳимоячи Браҳим Диас, ўнг қанот ҳимоячиси Лукас Васкес ва ҳужумчи Хоселу каби футболчилар илк дақиқалардан майдонга тушишади.
Қайд этилишича, "Мальорка" билан ўйинда яна 5 нафар футболчи дам олади. Гап Антонио Рюдигер, Родриго, Винисиус Жуниор, Тони Кроос ва Дани Карвахаль ҳақида кетмоқда.
"Реал Мадрид" мураббийлар штаби Чемпионлар лигаси 1/4 финалида "Манчестер Сити"га қарши жавоб учрашуви олдидан ушбу футболчиларга дам берди.
