"Лацио" президенти Клаудио Лотито кеча, 12-апрель куни Рим клубини тарк этишни истаётгани ва шартномани бекор қилиш учун бутун маошидан воз кечишга тайёрлигини очиқ айтган "бургутлар" ярим ҳимоячиси Луис Албертонинг сўзларига изоҳ берди.

“Афтидан, у текинга кетмоқчи. Лекин йўқ: агар у кетишни истаса, уни сотиб олишга тайёр жамоа топиши керак.

Биз пулни деразадан ташламаймиз. Қоидалар ҳаммага амал қилади, ҳам фуқаролик, ҳам юридик қонунларга риоя қилиш керак.

У ўтган ёзда шартномани узайтирмоқчи эди ва "Лацио"нинг иккинчи энг кўп маош олувчи футболчиси эди.

Энди у кутилмаганда худди шундай баёнот билан чиқди", — дея Лотитонинг Х (собиқ Twitter) ижтимоий тармоғида сўзларидан иқтибос келтиради журналист Николо Скира.