"Lasio" prezidenti Klaudio Lotito kecha, 12-aprel kuni Rim klubini tark etishni istayotgani va shartnomani bekor qilish uchun butun maoshidan voz kechishga tayyorligini ochiq aytgan "burgutlar" yarim himoyachisi Luis Albertoning so‘zlariga izoh berdi.
“Aftidan, u tekinga ketmoqchi. Lekin yo‘q: agar u ketishni istasa, uni sotib olishga tayyor jamoa topishi kerak.
Biz pulni derazadan tashlamaymiz. Qoidalar hammaga amal qiladi, ham fuqarolik, ham yuridik qonunlarga rioya qilish kerak.
U o‘tgan yozda shartnomani uzaytirmoqchi edi va "Lasio"ning ikkinchi eng ko‘p maosh oluvchi futbolchisi edi.
Endi u kutilmaganda xuddi shunday bayonot bilan chiqdi", — deya Lotitoning X (sobiq Twitter) ijtimoiy tarmog‘ida so‘zlaridan iqtibos keltiradi jurnalist Nikolo Skira.
