"Вест Хэм" ёзги трансфер ойнасида ярим ҳимоячи Лукас Пакетани сотмоқчи эмас. Бразилиялик футболчига ўтган йилдан бери "Манчестер Сити" қизиқиш билдирмоқда ва жорий мавсум якунлангач, "шаҳарликлар" ҳужумкор ярим ҳимоячини қўлга киритиш учун янги уринишлар қилишлари кутилмоқда.
Журналист Фабрицио Романонинг ёзишича, “Вест Хэм” 26 ёшли футболчи учун музокара олиб бориш ниятида эмас. Битимга эришишнинг ягона йўли - 85 миллион фунт стерлинг (тахминан 100 миллион евро) миқдоридаги товон пулини фаоллаштириш.
"Болғачилар" раҳбарияти ён беришмайди. Футболчининг "Вест Хэм" билан шартномаси 2027 йилгача мўлжалланган.
