"Барселона" Ла Лига ўйинида яна бир бор ўз дарвозаси дахлсизлигини сақлаб қолишга муваффақ бўлди.
Шанба куни Хави Эрнандес шогирдлари сафарда "Кадис"га қарши ўйинда (1:0) минимал ғалабага эришди.
"Кўк анорранглилар" учун бу Испания чемпионатидаги олтинчи ўйин бўлди. Бунгача Каталония гранди «Лас-Пальмас» (1:0), «Атлетико» (3:0), «Мальорка» (1:0), Билбаонинг «Атлетик» (0:0) ва «Хетафе» (4:0) клубларига қарши баҳсларда гол ўтказмаган.
“Барселона”нинг шу кунгача Ла Лигадаги сўнгги ўтказиб юборилган голи 17-февраль санасига тўғри келади: ўшанда Марк-Андре тер Штеген дарвозасини “Сельта” футболчиси Яго Аспас ишғол қилган (2:1).
