Каталониянинг “Барселона” клуби бош мураббийи Хави Эрнандес жамоа ҳужумчиси Жоау Феликснинг Испания чемпионатининг 31-туридаги ўйини ҳақида гапирди.

“Барса” 1:0 ҳисобида ғалаба қозонди, ягона гол португалиялик томонидан киритилди.

“Жоау иқтидорли футболчи. У ҳамма нарсадан мамнун ва ажойиб ўйин ўтказди. У ўз номига жуда чиройли гол ёздириб қўйди, лекин босим остида ҳам ажойиб ўйин кўрсатди.

Майдонда имкон қадар сермаҳсул бўлиши учун унга ҳаракат эркинлигини бердим. Жоау бу ўйинда яхши ҳаракат қилди", - дея мутахассиснинг сўзларини келтиради Marca нашри.