Ҳуқуқи "Валенсия"га тегишли бўлган грузиялик дарвозабон Гиорги Мамардашвили Франция чемпионатида ўйнаш имкониятига эга.
Todofichajes хабарига кўра, 23 ёшли дарвозабонни ўз сафига "ПСЖ" клуби қўшиб олишга қизиқмоқда. Париж гранди италиялик Жанлуижи Доннарумманинг ишончсиз ўйини туфайли дарвоза чизиғини кучайтирмоқчи. Мамардашвилини 35 миллион еврога сотиб олиш мумкин.
Испания чемпионатининг жорий мавсумида Гиорги 30 та ўйинда майдонга тушиб, 32 та гол ўтказиб юборди. 12 учрашувда дарвозабон ўз дарвозаси даҳлсизлигини сақлаб қолган. Унинг шартномаси 2027 йилнинг ёзига қадар мўлжалланган.