Каталониянинг "Барселона" клуби ярим ҳимоячиси Илкай Гюндоган ёзги трансфер ойнасида клубини ўзгартириши мумкин. Todofichajes нашрининг хабар беришича, немис футболчисининг хизматларига Саудия Арабистони чемпионатининг учта клуби қизиқиш билдирмоқда. Гап “Ан-Наср”, “Ал-Ҳилол” ва “Ал-Иттиҳод” ҳақида бормоқда.
Илкайнинг "блауграна" билан 2025 йилнинг ёзига қадар шартнома мажбуриятлари бор. Футболчининг трансфер қиймати 16 миллион еврога баҳоланмоқда.
Испания чемпионатининг жорий мавсумида ярим ҳимоячи 30 та ўйин ўтказиб, 5 та гол ва 6 та голли узатмани амалга оширди.
