Рубен Аморим “Ливерпуль”нинг навбатдаги бош мураббийи бўлиши кутилмоқда.

Португалиялик мутахассис ёзги мавсумда Юрген Клоппдан сўнг бўшаб қоладиган мураббийлик курсисига ўтириши кутилмоқда. Transfer News Live нашрининг Football Insider нашрига таяниб хабар беришича, "Ливерпуль" раҳбарлари Аморимга муҳим иш шароитини тақдим этишади. Шундай қилиб, мутахассисга ўз ўйин услубини амалга ошириш учун вақт берилади. Қисқаси, мерсисайдликлар Аморимдан фаолиятининг дастлабки йилида натижа талаб қилишмайди.

Олдинроқ Рубен Аморим "Ливерпуль" билан келишув ҳақидаги маълумотни рад этганди. Шу билан бирга, матбуот томонлар ўртасида ҳали ҳам принципиал келишув мавжудлигини даъво қилмоқда.