Ruben Amorim “Liverpul”ning navbatdagi bosh murabbiyi bo‘lishi kutilmoqda.
Portugaliyalik mutaxassis yozgi mavsumda Yurgen Kloppdan so‘ng bo‘shab qoladigan murabbiylik kursisiga o‘tirishi kutilmoqda. Transfer News Live nashrining Football Insider nashriga tayanib xabar berishicha, "Liverpul" rahbarlari Amorimga muhim ish sharoitini taqdim etishadi. Shunday qilib, mutaxassisga o‘z o‘yin uslubini amalga oshirish uchun vaqt beriladi. Qisqasi, mersisaydliklar Amorimdan faoliyatining dastlabki yilida natija talab qilishmaydi.
Oldinroq Ruben Amorim "Liverpul" bilan kelishuv haqidagi ma’lumotni rad etgandi. Shu bilan birga, matbuot tomonlar o‘rtasida hali ham prinsipial kelishuv mavjudligini da’vo qilmoqda.
