"Кристал Пэлас" бош мураббийи Оливер Гласнер Англия чемпионатининг 33-турида "Ливерпуль" устидан қозонилган ғалаба ҳақида фикр билдирди.
"Энфилд" стадионида бўлиб ўтган учрашув "Кристал Пэлас"нинг 1:0 ҳисобидаги ғалабаси билан якунланди.
"Бу "Энфилд"даги ажойиб ғалаба, бу ерда ғалаба қозониш қийин. Йигитларнинг биринчи бўлимда қандай ўйнаганини кўриш яхши бўлди. Жамоани ушбу ғалаба билан табриклайман. Олдинда бизни "Вест Хэм"га қарши ўйин кутиб турибди ва бизга худди шундай муносабат ва куч керак бўлади. Ўйлайманки, бугунги ғалаба бизга ишонч бағишлайди, лекин биз ўзимизни сақлашимиз, камтарин бўлишимиз керак", - дежи Гласнер ВВС билан суҳбатда.
"Кристал Пэлас" ҳисобида 33 очко бор ва Премьер-лига турнир жадвалида 14-ўринда бормоқда.
