Хаби Алонсо мураббийлик фаолиятидаги илк совринни қўлга киритди.

Бугун Бундеслига мавсуми якунланишига 5 тур қолганида "Байер" 29-турда "Вердер"ни (5:0) мағлуб этиб, муддатидан аввал Германия чемпионига айланди.

Бу 42 ёшли Алонсо учун мураббийлик фаолиятидаги илк совриндир.

Хаби Алонсо "Реал Сосьедад", "Эйбар", "Ливерпуль", "Реал Мадрид" ва "Бавария"да ўйнаган. Клублар миқёсида у 15 та соврин, шу жумладан иккита Чемпионлар лигасини қўлга киритди.

Алонсо 2003 йилдан 2014 йилгача Испания терма жамоасида ўйнаган ва учта соврин - Евро-2008, ЖЧ-2010 ва Евро-2012 ни қўлга киритган.

Алонсо аввалроқ Мадриднинг ёшлар жамоаси (2018-2019) ва "Реал Сосьедад"нинг иккинчи жамоаси (2019-2022)ни бошқарган.

У 2022 йилнинг 5 октябрида "Байер"ни қабул қилиб олди. Бугун жамоа унинг қўл остида 80-учрашувини ўтказди.