"Манчестер Сити" бош мураббийи Пеп Гвардиола Англия Премьер-лигасининг жорий мавсумидаги чемпионлик учун кураш ҳақида фикр билдирди.
“Биз босим остида ўйнашни яхши кўрамиз. Ишончим комилки, жамоа охиригача курашади. Яна чемпион бўла оламизми? Ҳозирча ҳеч қандай кафолатлар йўқ. Биз курашамиз, мен фақат шунга кафолат бера оламан”, - деди испаниялик мутахассис.
33-турдан сўнг “Манчестер Сити” ўз рақибларининг очко йўқотишидан унумли фойдаланиб, АПЛ турнир жадвалида биринчи ўринга кўтарилиб олди. Гвардиола шогирдлари иккинчи ўриндаги “Арсенал”дан икки очко олдинда.
