"Манчестер Сити" бош мураббийи Пеп Гвардиола "Реал"ни мақтади. “Сантьяго Бернабеу”да бўлиб ўтган Чемпионлар лигасининг биринчи чорак финалида “шаҳарликлар” 3:3 ҳисобида дуранг ўйнаган эди.
“Улар бизни биринчи ўйинда футболчиларнинг позициялари билан ҳайратда қолдирди. Биз ўйлашимиз ва баъзи қарорлар қабул қилишимиз керак. Анчелоттининг катта тажрибасини ҳисобга олсак, у жавоб ўйинида ҳаммасини бошқача қила олади. Биз бунга тайёр бўлишимиз керак. Шу билан бирга, ўз ўйинимизни мажбурлаб, рақибга босим ўтказишга ҳаракат қиламиз", - деди Гвардиола матбуот анжуманида.
Ўтган мавсумда "Манчестер Сити" Чемпионлар лигаси ярим финалида ўз майдонида "Реал"ни 4:0 ҳисобида мағлуб этганди. Жамоалар кетма-кет учинчи йил энг нуфузли еврокубокда ўзаро тўқнаш келишмоқда.
