"Челси" бош мураббийи Маурисио Почеттино Лондон клубининг ёзги трансфер бозоридаги мақсадлари ҳақида гапирди.

"Бу йил ёзда биз кўпроқ ёш футболчилар билан бир қаторда тажрибали футболчиларни ҳам жалб қилишимиз керак. Бу клуб билан суҳбатлар, таҳлиллар, келаси мавсум учун стратегия ишлаб чиқиш ва катта мақсадлар учун курашишга тааллуқлидир", - дейди Почеттино.

"Челси" душанба куни "Эвертон"га қарши АПЛ доирасидаги ўйинни ўтказади. Жамоа айни дамда Англия чемпионати жадвалида 9-ўринни эгаллаб турибди.