Аввалроқ, 19 ёшли туркиялик футболчи ижара асосида ўйнаш ва ўйин амалиётига эга бўлиш истаги ҳақида клубга айтгани ҳақида хабар берилганди.
Marca нашрининг ёзишича, бундай эмас. Бу борада на футболчидан, на унинг агентларидан ҳеч қандай сўров бўлмаган. Қарор фақат мавсум охирида қабул қилинади.
Тахминларга кўра, жисмоний ҳолатлар Арданинг жорий мавсумда барқарор ўйнашига тўсқинлик қилган. Шу билан бирга, мадридлик футболчининг машғулотларини кузатаётган ҳар бир киши унинг клубда ўйнаш учун ҳам сифатлари, ҳам характери борлигини кўради.
Гюлер “Реал” сафида 7 та ўйин ўтказиб, 1 та гол урган.
