"Барселона" ярим ҳимоячиси Педри "ПСЖ"га қарши ЕЧЛ 1/4 финали жавоб ўйини олдидан фикр билдирди.
“Биз эҳтиёт бўлишимиз керак, чунки Париж қўлидан келганини қилади. Тўғри, бизда устунлик бор, лекин улар вазиятни ўзгартиришга ҳаракат қилишади. Биз майдонга чиқиб, ғалаба қозонишимиз керак.
Мбаппедан таҳдид? Биз тўпга эгалик қилишимиз ва "ПСЖ"да ҳеч қандай имконият йўқлигига ишонч ҳосил қилишимиз керак. Уларда нафақат Килиан, балки Дембеле ва Баркола ҳам бор. Биз яккама-якка вазиятларда уларнинг афзалликларини қоплашга ҳаракат қилишимиз керак", - деди Педри матбуот анжуманида.
Биринчи ўйинда "Барселона" меҳмонда "ПСЖ"ни 3:2 ҳисобида мағлуб этганди.
