Каталониянинг “Барселона” клуби бош мураббийи Хави Эрнандес Чемпионлар лигасининг ярим финалига чиқиш учун жамоасига нималар кераклиги ҳақида гапирди. “Кўк-анорранглилар” чорак финалда “ПСЖ”га қарши ўтказилган илк учрашувда минимал 3:2 ҳисобида зафар қучганди.
“Биз дунёнинг энг яхши жамоаларидан бирига ва сайёрадаги энг яхши мураббийлардан бирига қарши ўзимизни исботлашимиз керак. Бизда аниқ устунлик бор. Агар биз ўзимизни жамоа сифатида кўрсатсак, Чемпионлар лигасининг ярим финалига чиқиш имкониятимиз катта, деб ўйлайман”, - деди Хави матбуот анжуманида.
